Nyimbo Cia Kiroho

No description added.

Kikuyu 464 Songs

GITI GIAKU JEHOVA NI GITHERU

[1]
Gĩtĩ gĩaku Jehova nĩ gĩtheru
Kũrĩ irĩma ciothe
Na nĩ gĩtheru gũkĩra riũa
Na gũkĩra mweri

Hĩndĩ ya mathĩna tiga Baba
Kũrora na kũngĩ
Tiga kũhitha ũthiũ waku
hĩndĩ ya maithori

[2]
Ũhoti nĩ waku na ũthamaki
Na ũhoreri na tha
Na ũtugi na kũhonokania,
Ii moko-inĩ maku

[3]
Matũ maku Jehova reke maigue
Gũthaithana gwitũ
Ta ũrĩa Suleimani Jehova,
We mwarĩkanĩire

[4]
Jehova Ithe wa maroho maitũ
Itĩka mũcayo
Wa athuri na atumia na anake,
Na airĩtu na ciana

[5]
Ruo rwa mĩrimũ yothe Baba
Gũtirĩ ũtoĩ
Ona rwa kũnyarirwo nĩ thũ,
Ona rwa ng’aragu

[6]
Mathĩna ma andũ arĩa me ng’endo-inĩ
Na mĩnoga yao
Jehova wĩ matu-inĩ maitho
Maku no marona

[7]
Kũhurunja Baba we nĩ ũĩ
Na gũcokereria
Na nĩ ũĩ gũtungumania,
Na gũtiira wega

[8]
Tũhonokie Baba gwĩ thũ ciothe
Cia maroho maitũ
We kĩmũrĩ kĩa Iburahĩmu,
Na rũciaro rwake

[9]
Marakara tiga tũiguĩre tha
Tondũ wĩ na ũmenyo
Wa kũmenya ithuĩ twĩ tũhũ,
Mwĩrĩ kĩndũ gĩa kũbutha

[10]
Ngai menya ithuothe tũrĩ o tĩri
Ririkana Baba
Watũkũmbanirie na ndaka,
Ya rũkũngũ rwa thĩ.

Support Mysongbooks

Support us by joining the Buy Me A Coffee community and making a small donation, you can help us expand our library and ensure that music lovers everywhere can enjoy their favorite songs to the fullest. We're passionate about music, and we know you are too, so let's work together to keep the music alive.

Thank you for being a part of our community and supporting our mission to provide the best lyrics library on the internet.