CUTHIRIRIA JESU

[1]
Cũthĩrĩria Jesu nĩguo wĩrutage
Ekĩrirwo thũmbĩ mũtwe ya mĩigua,
Nĩ Pilatũ atoria akĩgocithia ithe,
Akĩheo ũnene wa igũrũ na thĩ.

Turia maru ũhoe ũhote
Magerio niũkarutwo thũmbĩ
Yaku ya mĩigua
Wĩkĩrwo ya muoyo nĩ Ngai
Akenete nĩũndu wagũtoria
Waara wa ngoma.

[2]
Mwathani etĩkĩra kũrumwo nĩandũ othe,
Ona kũnyũrũrio agĩtuĩrwo mata,
Ona ningĩ kwambwo mũtharaba igũrũ,
Thakame ĩria oirire nĩũteithio waku.

[3]
Mũrũ kana mwarĩ rĩrĩa ũkĩrĩirwo,
Itũra-inĩ rĩaku kana wĩra-inĩ,
Menyerera ngoro ndũkorwo nĩ hinya
Ũcambithie Ngai, Shaitani egoce.

[4]
Kũmenwo nĩ andũ athĩ,
Na kũrumwo nĩo,
Na kũhũrwo nĩo
Na gũtunywo indo nĩyo
Thũmbĩ ĩria Shaitani ekanagĩra
Na wona wahota nĩ ũkahurũka.

[5]
Ũkĩhoya kĩndũ kũrĩ anene athĩ no,
Mendaga kũgeithio guoko gwĩ kĩndũ,
Gwĩka ũgwo nĩ mehia wĩmenyagĩrĩre
Ngai akĩmarĩhia ndũkanarĩhio.

[6]
Hoyagai mwĩna ngoro theru,
Nĩ ithe witũ mwega ũtũrathimaga
Tũgĩthiĩ harĩwe ndarĩ kĩndũ
Ekwenda tiga ngoro theru na hehenjeku.